ANİMAFİLM İllüstrasiya və Qısa Hekayə Müsabiqəsi elan edir!
Əgər sözlərlə dostluq edirsinizsə və ya rənglər dənizində üzmək sizin ən sevimli məşğuliyyətinizdirsə, bu fürsət məhz sizin üçündür!
Müsabiqəmizin iki mövzusu var, iştirak üçün yaş məhdudiyyəti yoxdur və iştirakçılar mövzu seçimində sərbəstdirlər:
“DƏNİZ”
“İSİ və PİTİ” animasiya serialı
Müsabiqənin şərtləri:
1. İllüstrasiya Kateqoriyası
Texniki göstəricilər: JPEG və ya PNG formatında.
Şərt: İllüstrasiya tamamilə orijinal olmalı və müsabiqənin mövzularından birini əks etdirməlidir.
2. Hekayə Kateqoriyası
Həcm: Maksimum 300 söz
Dil: Azərbaycan dili
Müsabiqənin sonunda:
Qalib illüstrasiya və hekayə ANİMAFİLM jurnalının aprel ayında çıxacaq ilk buraxılışında dərc olunacaq.
Eyni zamanda, illüstrasiya müsabiqəsi üzrə xüsusi seçilmiş işlər 13-17 may tarixlərində 9-cu ANİMAFİLM Beynəlxalq Animasiya Festivalı çərçivəsində keçiriləcək sərgidə nümayiş etdiriləcək.
Ən əsası, qaliblər ANİMAFİLM Beynəlxalq Animasiya Festivalının bütün nümayişlərində iştirak üçün bilet qazanacaqlar!
Son müraciət tarixi: 25 mart 2026-cı il.
