ATMU-da Universitet Daxili I Könüllü Təcrübə Proqramına qeydiyyat başladı!

Əziz tələbələr,

ATMU Karyera və Məzunlarla İş Şöbəsi tərəfindən həyata keçirilən Universitet Daxili I Könüllü Təcrübə Proqramına qeydiyyat rəsmi olaraq başlanıb!

Bu proqram tələbələr arasında aktiv mühitin formalaşmasına, şəxsi inkişafın və komandada işləmək bacarıqlarının artırılmasına yönəlib. Təcrübə 3 ay davam edəcək və proqramı uğurla tamamlayan iştirakçılara rəsmi sertifikat təqdim olunacaq.

 Proqramda iştirak etməklə siz:

• Təşkilati və kommunikasiya bacarıqlarınızı inkişaf etdirəcəksiniz

• Karyera yönümlü seminar və təlimlərdə iştirak imkanı qazanacaqsınız

• Fakültə və universitet tədbirlərinin təşkilində real təcrübə əldə edəcəksiniz

• Universitetin daxili strukturları ilə işləyərək idarəçilik proseslərini yaxından öyrənəcəksiniz

• Gələcək təcrübə və iş imkanları üçün tövsiyə məktubu alma şansı əldə edəcəksiniz

• Özünüifadə və ictimai çıxış bacarıqlarınızı formalaşdıracaqsınız

• Könüllülük fəaliyyətinizi təsdiqləyən sertifikat əldə edəcəksiniz

Kimlər müraciət edə bilər:

• I–IV kurs bakalavr və ya magistratura tələbələri

• Aktiv, məsuliyyətli və komanda ruhuna malik gənclər

 Seçim prosesi:

• İlkin seçim təqdim olunan müraciətlərə əsasən aparılacaq.

• Seçilmiş namizədlərlə qısa müsahibə və ya motivasiya əsaslı qiymətləndirmə keçiriləcək.

• Aktivlik, məsuliyyət, ünsiyyət bacarığı və komanda işi əsas meyarlar olacaq

• Nəticələr qeydiyyat bitdikdən sonra elan ediləcək və seçilmiş namizədlərlə birbaşa əlaqə saxlanılacaq.

 Qeyd: Seçim zamanı fakültə və kurslar üzrə balanslı iştirak nəzərə alınacaq.

 Qeydiyyat müddəti: 28 oktyabr –15 noyabr 2025

 Qeydiyyat linki: https://forms.office.com/r/sAV0KFEsnB

 Əlavə məlumat üçün: Karyera və Məzunlarla İş Şöbəsi (otaq 408)