Qarabağ Universiteti vakant olan “İctimaiyyətlə əlaqələr şöbəsinin müdiri” vəzifəsi üzrə işə qəbul elan edir

İşin təsviri:

• Universitetin kommunikasiya strategiyasının həyata keçirilməsi;

• Şöbənin fəaliyyətinin planlaşdırılması, təşkili və nəzarət edilməsi;

• Universitetin fəaliyyət və səlahiyyətlərinə aid olan məsələlərlə bağlı rəsmi

mövqeyinin ictimaiyyətə açıqlanması, həmçinin mətbuat konfransları, brifinqlər

və digər tədbirlərin təşkili, bölgələrə və xarici ölkələrə gedən rəsmi nümayəndə

heyətinin müşayiət olunması;

• Universitetin müsbət reputasiyasının gücləndirilməsi məqsədilə media, dövlət

qurumları və tərəfdaşlarla əlaqələrin qurulması;

• Təbliğat-təşviqat tədbirlərinin koordinasiyası, o cümlədən promo məhsulların

hazırlanmasının təşkili;

• Universitetin rəsmi saytı və sosial media hesablarının idarə edilməsi;

• Böhran vəziyyətində kommunikasiyanın təşkili, həssas və ya mübahisəli

məsələlərin danışıqlarla həll edilməsi;

• Press-relizlər, xəbər bülletenləri, illik hesabatlar daxil olmaqla materialların

yaradılması və yayılmasının təmin edilməsi;

• Mediada işıqlandırma və PR kampaniyalarının effektivliyinin yoxlanılması, PR

fəaliyyətlərinin nəticələrinə dair rəhbərliyin məlumatlandırılması.

Tələblər:

• İctimaiyyətlə əlaqələr, jurnalistika və ya marketinq sahəsində ali təhsil;

• İctimaiyyətlə əlaqələr və ya kommunikasiya sahəsində minimum 5 il, rəhbər

vəzifələrdə minimum 2 il təcrübə (sözügedən təcrübənin ali təhsil

müəssisələrində olması üstünlükdür);

• Uğurlu PR kampaniyalarının hazırlanması və həyata keçirilməsi üzrə təcrübə;

• Azərbaycan və ingilis dillərində yüksək səviyyədə ünsiyyət bacarığı;

• Rəqəmsal kommunikasiya alətləri və platformalarından istifadə bacarığı;

• Liderlik, idarəetmə, qərar qəbuletmə, problem həlletmə, tədqiqat və analitik təhlil

bacarıqları;

• Böhran kommunikasiyasının idarə olunmasına dair təcrübə.

Tələbolunansənədlər:

• tərcümeyi-hal;

• CV;

• ali təhsili təsdiq edən sənədlərin surəti;

• Azərbaycan dilində müşayiətedici məktub (motivasiya, şöbənin fəaliyyəti ilə bağlı baxış – maksimum 500 söz);

• tövsiyə edən şəxslər barədə məlumat (2 nəfər).

Rəqabətə davamlı əmək haqqı təklif olunur.

Qeyd 1: Universitetdə işləyən əməkdaşlar işlədikləri müddətdə Xankəndi şəhərində mənzillə təmin olunur.

Qeyd 2: Müraciət üçün 29 avqust 2025-ci il tarixədək məktubun mövzu hissəsində

“İctimaiyyətlə əlaqələr şöbəsinin müdiri” yazılmaqla, tələb olunan sənədlər

[email protected] elektron poçt ünvanına göndərilməlidir. Yalnız vakansiyanın tələblərinə uyğun gələn namizədlərlə əlaqə saxlanılacaq.