Azərbaycan Texniki Universitetinin (AzTU) “SmartTech” İnnovatorlar Mərkəzinə Layihələndirmə laboratoriyasının təlimçi-konstruktoru vəzifəsi üzrə vakansiya elan edilir.
Tələblər:
· Ali texniki təhsil (mühəndislik, mexatronika, informasiya texnologiyaları və ya əlaqəli ixtisas üzrə);
· 3D modelləmə və prototipləmə proqramlarında (SolidWorks, Fusion 360, AutoCAD və s.) bilik və təcrübə;
· CNC və 3D printerlərlə işləmək bacarığı;
· Azərbaycan dilində səlis danışıq və yazı bacarığı ( texniki ingilis dili biliyi üstünlükdür);
· Tələbələrlə işləmək, təlim və mentorluq qabiliyyəti;
· Komandada işləmək və layihə idarəetməsi bacarığı;
· Startap ekosisteminə və innovativ layihə prinsiplərinə maraq.
Əmək funksiyaları:
· Mərkəzin layihələndirmə laboratoriyasında həyata keçirilən layihələrin texniki və konstruktor dəstəyini təmin etmək;
· 3D modellərin hazırlanması, prototiplərin dizaynı və istehsal prosesi üzrə tələbə və komandalarla işləmək;
· Layihələrdə istifadə olunan texnoloji avadanlıqların (3D printer, CNC dəzgah və s.) işlək vəziyyətdə saxlanılması və texniki nasazlıqların aradan qaldırılması;
· Tələbələrin texniki bacarıqlarının inkişafı məqsədilə təlimlər, praktiki məşğələlər və mentorluq proqramları təşkil etmək;
· Layihə və startap fəaliyyətlərinin səmərəliliyini artırmaq üçün texnoloji yenilikləri izləmək və tətbiq təklifləri hazırlamaq;
· Universitet tələbələrinin startap və hakaton yarışlarında iştirakını təşviq etmək, bu istiqamətdə maarifləndirici görüşlər və məlumat sessiyaları təşkil etmək, startap layihələrində və yarışlarda iştirakla maraqlanan tələbələrə texniki və metodiki dəstək göstərmək;
· Əldə olunan yarış və proqram məlumatlarının Mərkəzin rəsmi kommunikasiya kanalları vasitəsilə yayılmasını təmin etmək.
Tələblərə uyğun namizədlər mövzu yerində mövcud vakansiya adını qeyd etməklə öz CV-lərini [email protected] elektron ünvanına göndərə bilərlər.
Müraciət üçün son tarix: 23.10.2025
