Azərbaycan Respublikasının Müdafiə Sənayesi Nazirliyinin təşəbbüsü ilə həyata keçirilən və yerli ali təhsil müəssisələri ilə birgə icra olunan IV kurs tələbələr üçün Müdafiə Sənayesi Yönümlü İstehsalat Təcrübəsinə, həmçinin II və III kurs tələbələr üçün İstehsalat Yönümlü Tədris Proqramına qeydiyyat başlayıb.
Proqramın əsas məqsədi ölkənin müdafiə sənayesinin mövcud və perspektiv ehtiyaclarına cavab verən, real istehsalat mühitində praktiki bilik və bacarıqlara malik milli mühəndis kadr ehtiyatının formalaşdırılmasıdır.
İstehsalat təcrübəsi müddətində iştirakçılar:
Müdafiə sənayesi müəssisələrinin real istehsalat proseslərində iştirak edir
Texnoloji və mühəndislik prosesləri üzrə praktiki biliklər qazanır
Real layihələr üzərində işləyir
Komanda işi və layihə idarəetmə bacarıqlarını inkişaf etdirir
Proqramda yalnız müəyyən olunmuş ali təhsil müəssisələrində təhsil alan tələbələrin iştirakı nəzərdə tutulur və seçim onlayn qeydiyyat, ilkin qiymətləndirmə və müsahibə mərhələləri əsasında aparılır.
lV kurs tələbələr üçün qeydiyyat linki: LİNK
ll və lll kurs tələbələr üçün qeydiyyat linki: LİNK
