Türkiyə-Azərbaycan Universitetində usta-elektrik vəzifəsinə vakansiya elan edilir

Türkiyə-Azərbaycan Universitetində (TAU) texniki xidmət üçün usta-elektrik vəzifəsinə vakansiya elan edilir.

Tələblər:

Elektrik və təmir-tikinti sahəsi üzrə peşə və ya orta ixtisas təhsili;

Müvafiq sahələrdə (elektrik və təmir-tikinti işlərində) ən azı 2-3 il iş təcrübəsi;

Elektrik sxemlərini oxumaq və müxtəlif alətlərlə işləmə bacarığı;

Təhlükəsizlik qaydalarına dair biliklər (4-cü və ya 5-ci dərəcəli elektrik vəsiqəsi üstünlükdür);

Yanğın təhlükəsizliyi qaydaları üzrə biliklərə malik olmaq;

Fövqəladə hallarda operativ və düzgün qərar vermək bacarığı;

Məsuliyyətli, intizamlı və operativ olmaq;

Komandada işləmək və əməkdaşlıq bacarığı.

Öhdəliklər:

Universitet binasında elektrik avadanlıqlarının və şəbəkənin fasiləsiz işləməsini təmin etmək;

Elektrik avadanlıqlarında və naqillərdə yaranmış nasazlıqları operativ formada aşkarlamaq və aradan qaldırmaq;

Təmir-tikinti işlərində (bərpa və digər texniki işlər) iştirak etmək və dəstək göstərmək;

Elektrik xətlərinin və təmir-tikinti işlərinin təhlükəsizlik qaydalarına uyğun aparılmasını təmin etmək;

Yanğın təhlükəsizliyi avadanlıqlarına nəzarət etmək, onların işlək vəziyyətdə saxlanılmasını təmin etmək;

Yanğın təhlükəsizliyi qaydalarına riayət etmək və fövqəladə hallarda adekvat tədbirlər görmək;

Texniki baxış və proflaktiki işləri planlı şəkildə həyata keçirmək.

İş şəraiti:

İş qrafiki: 5 günlük iş həftəsi;

İş saatı: 09:00 – 18:00;

Əmək haqqı: müsahibə əsasında müəyyən olunur.

Tələblərə uyğun namizədlər mövzu yerində mövcud vakansiya adını qeyd etməklə, öz CV-lərini [email protected] elektron poçt ünvanına göndərə bilərlər. Yalnız tələblərə cavab verən namizədlərlə əlaqə saxlanılacaq.

Müraciət üçün son tarix: 31.03.2026