Bakı Ali Neft Məktəbinin nəzdində Rəqəmsal Biliklər Liseyinin loqosunun hazırlanması üzrə müsabiqə elan edilir.

Müsabiqənin şərtləri:

• Müsabiqədə bu sahədə bacarıqlı olan hər bir Azərbaycan vətəndaşı iştirak edə bilər;

• Hər iştirakçı maksimum 2 variantda eskiz təqdim edə bilər;

• Loqoda liseyin adı aşağıdakı kimi qeyd olunmalıdır:

Azərbaycan dilində: “Rəqəmsal Biliklər Liseyi”,

İngilis dilində: “The Lyceum of Digital Knowledge”

• Təqdim olunan eskizlərin qısa izahedici mətni olmalıdır;

• Təqdim olunan eskizlər yeni olmalıdır;

• Loqo orijinal, müasir, rəngli və konseptual görünüşlü olmalıdır;

• Loqonun mənası liseyin adı və təhsil istiqaməti ilə bütünlük təşkil etməlidir;

• Loqo digər loqoların oxşarı olmamalı, onların komponentlərinə uyğun gəlməməlidir;

• Loqo nümunələri *jpeg, *png, *pdf, *ai və ya *cdr formatında təqdim olunmalıdır;

• Rəqəmsal Biliklər Liseyinın loqo müsabiqəsinə göndərilmiş loqo eskizləri bu sahənin ekspertlərindən formalaşdırılmış münsiflər heyəti tərəfindən qiymətləndiriləcək.

• Qaliblər üçün ayrılmış mükafat fondu aşağıdakı kimidir:

I Yer – 1000 manat; II Yer – 500 manat; III Yer – 250 manat.

Eskizlərin qəbulu üçün son tarix: 30 oktyabr 2025-ci il, saat 18:00. 

Hazırlanan loqo nümunələrinin [email protected] e-poçt ünvanına göndərilməlidir.

Qeyd: ​Rəqəmsal Biliklər Liseyi qalib gəlmiş loqonu istənilən tərzdə promo və çap məhsullarında, eləcə də sosial medya və elektron yayım vasitələrində istifadə etmək hüququnu özündə saxlayır.