TƏBİB tabeliyində olan “Qəbələ Rayon Mərkəzi Xəstəxanası” publik hüquqi şəxsin Hüquqşünas vəzifəsi üzrə vakant yer elan edir

Mövcud iş yeri: “Qəbələ Rayon Mərkəzi Xəstəxanası” publik hüquqi şəxs 

Əmək haqqı:

Əmək haqqı “Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələrində çalışan səhiyyə işçilərinin əməyinin ödənilməsi Qaydasına uyğun olaraq tənzimlənir.

Tələb olunan bilik, təcrübə və bacarıqlar:

Ali hüquq təhsili;

Sahə üzrə 1 ildən az olmayaraq iş stajı;

Kompüter bilikləri: Microsoft Office (sərbəst səviyyədə).

Şəxsi keyfiyyət və bacarıqlara dair tələblər:

 Komandada işləmə;

Analitik araşdırma;

Nəticəyönümlülük;

Məsuliyyətlilik;

İntizamlılıq;

Dəqiqlik.

İşin təsviri:

Tibb müəssisəsinə daxil olan normativ hüquqi aktların, müqavilə və digər sənədlərin hüquqi ekspertizasını aparmaq, qanunvericiliyə uyğunluğunu yoxlamaq;

Müəssisənin struktur bölmələri tərəfindən hazırlanmış sənədlərin (əmr, məktub, arayış, sorğu, akt və s.) hüquqi baxımdan ekspertizasını həyata keçirmək;

Daxili normativ sənədlərin hazırlanması, təsdiqi və təkmilləşdirilməsi ilə bağlı təkliflər vermək;

Qanun pozuntuları aşkar edildikdə araşdırma aparmaq və müvafiq tədbirlərin görülməsini təmin etmək;

Müəssisəni məhkəmə proseslərində və dövlət orqanlarında təmsil etmək, hüquqi maraqlarını müdafiə etmək;

Müqavilələrin hazırlanması, hüquqi ekspertizası və icrası ilə bağlı məsləhətlər vermək;

Tibb müəssisəsinin struktur bölmələrinə hüquqi məsələlər üzrə rəylər təqdim etmək və yeni qəbul edilmiş aktlar barədə məlumatlandırmaq;

Vətəndaş və təşkilatlardan daxil olan müraciətlərin qanunvericiliyə uyğun şəkildə baxılmasını təmin etmək.

Müraciət qaydası:

CV-lər [email protected] ünvanına göndərilməlidir;

Göstərilən tələblərə cavab verən namizədlərdən CV-lərini mövzu yerinə “Qəbələ RMX – Hüquqşünas” yazaraq göndərmələri xahiş olunur;

Vakansiyaya son müraciət tarixi: 17.09.2025.

Müraciətlər nəzərdən keçirilərək, yalnız yuxarıda göstərilən müraciət qaydalarına riayət edən və tələb olunan sənədləri təqdim edən namizədlərlə əlaqə saxlanılacaqdır.