Bakı Ali Neft Məktəbinin Beynəlxalq Əlaqələr şöbəsi komandasını genişləndirir. "Beynəlxalq əlaqələr üzrə mütəxəssis" vəzifəsi üzrə müraciətlər qəbul olunur. Ali təhsil müəssisəsində müvafiq iş təcrübəsi olan namizədlərə üstünlük veriləcək.
Tələblər:
-Ali təhsil;
-Müvafiq sahə üzrə minimum 2 il iş təcrübəsi;
-Azərbaycan dili (əla)
-İngilis dili (əla)
-Rus dili (arzuolunandır)
Əsas vəzifə öhdəlikləri:
- Mövcud proqramlar və əməkdaşlıq müqavilələri çərçivəsində BANM-ə əcnəbi vətəndaşların təhsil almaq üçün cəlb edilməsi və onların universitetdə təhsil prosesinin təşkili ilə bağlı müvafiq tədbirlərin həyata keçirilməsi;
- Beynəlxalq təhsil mübadilə proqramlarının koordinasiya edilməsi;
- Azərbaycanda fəaliyyət göstərən xarici ölkələrin səfirlikləri, eləcə də Azərbaycan Respublikasının xarici ölkələrdəki diplomatik nümayəndəlikləri ilə işin təşkili və koordinasiyası;
- Azərbaycan Respublikasının Dövlət Miqrasiya Xidməti, Elm və Təhsil Nazirliyi, Xarici İşlər Nazirliyi və digər aidiyyəti dövlət qurumları ilə mövcud qaydalara uyğun işlərin həyata keçirilməsi;
- Xarici və yerli tərəfdaşlarla rəsmi yazışmaların aparılması və əməkdaşlıq fəaliyyətlərinin koordinasiya edilməsi;
- Zərurət yarandıqda BANM rəhbərliyini və nümayəndələrini yerli və beynəlxalq tədbirlərdə müşayiət etmək və şifahi ünsiyyəti dəstəkləmək;
- Rəsmi görüş və tədbirlər zamanı xarici tərəfdaşlarla şifahi ünsiyyətin və tərcümənin təmin edilməsi.
Tələblərə uyğun namizədlər CV-lərini Azərbaycan və ingilis dillərində, e-mailin mövzu hissəsində "Beynəlxalq əlaqələr üzrə mütəxəssis" qeyd etməklə [email protected] ünvanına göndərə bilərlər.
Son müraciət tarixi: 21 iyul 2026-cı il
